Xəbər verdiyimiz kimi mətbuatda Siyəzən rayon icra hakimiyyətinin başçısı Novruz Novruzovun şəhid Elsevər Qazəhməd oğlu Kərimovun adına olan şəhid bulağını sökdürməsiylə bağlı məlumat yayılıb.  
Sumqayit.tv-in məlumatına görə, Moderator.az-ın əməkdaşı məsələni dəqiqləşdirmək üçün icra başçısının köməkçisi Elvin Kərimovla əlaqə saxlayıb. E.Kərimov saytımıza açıqlamasında bu məlumatların doğru olmadığını bildirib: 
“Bu köhnə məlumatdır. Şəhidin bulağını iki il öncə ailə üzvləri söküb və bildiriblər ki, mal-heyvan bulağa toxunduğu üçün bulağı mühafizə edə bilmirlər. Daha sonra rayonda şəhidin adını daşıyan Şəhid Elsevər Kərimov adına 1 saylı Siyəzən şəhər uşaq bağçasının həyətində İcra Hakimiyyəti tərəfindən ötən il şəhid bulağı tikildi və açılışı da oldu. Amma bunu deyən yoxdur, çünki heç kimə maraqlı deyil. Kimlərsə qəsdən bu cür məlumatları paylaşıb İcra Hakimiyyətinin fəaliyyətinə kölgə salmaq istəyir”.