Saray qəsəbəsində məktəblilər yol hərəkəti təhlükəsizliyi ilə bağlı maarifləndirici aksiya keçiriblər. Aksiya "Gələcək yolda gedir, sən dayan!” şüarı altında baş tutub.
Sumqayit.tv-in məlumatına görə, tədbirin məqsədi sürücüləri diqqətli və məsuliyyətli olmağa çağırmaq, uşaqların təhlükəsizliyinə diqqət yönəltmək olub.
Xatırladaq ki, iki gün öncə Saray qəsəbəsində, general Məhəmməd Əsədov küçəsində yolu keçən iki azyaşlı avtomobil tərəfindən vurulub. Nəticədə uşaqlardan birinin həyatını xilas etmək mümkün olmayıb.
Aksiya iştirakçıları sürücüləri daha ayıq-sayıq olmağa, xüsusən piyada keçidlərinə yaxınlaşarkən ehtiyatlı davranmağa çağırıblar.
29-10-2025, 16:02
115
