Sumqayıt şəhər İcra Hakimiyyətinin başçısı Zakir Fərəcov 18-ci mikrorayon ərazisində sakinlərlə növbəti səyyar görüş keçirib.

Sumqayit.tv xəbər verir ki, görüşdə Sumqayıt şəhər İcra Hakimiyyətinin məsul əməkdaşları, müxtəlif dövlət qurumlarının, təşkilat və müəssisələrin rəhbərləri, eləcə də şəhid ailələri, qazilər və mikrorayon sakinləri iştirak ediblər.

Səyyar qəbul zamanı şəhər rəhbəri vətəndaşları fərdi qaydada dinləyib. Sakinlərin müraciətləri əsasən sosial təminat, məişət şəraitinin yaxşılaşdırılması, mənzil problemləri və məşğulluq məsələləri ilə bağlı olub. Qaldırılan bəzi məsələlər yerindəcə öz həllini tapıb.

Əlavə araşdırma tələb edən müraciətlər isə qeydiyyata alınaraq aidiyyəti qurumların rəhbərlərinə yönləndirilib və onların icrası ilə bağlı konkret tapşırıqlar verilib.
Qeyd edək ki, Sumqayıt şəhər İcra Hakimiyyəti tərəfindən sakinlərlə səyyar görüşlərin keçirilməsi şəhər üzrə müraciətlərin dinlənməsi və problemlərin qeydiyyata alınması məqsədi daşıyır.

25-12-2025, 17:58 269