Bu gündən etibarən Sumqayıt şəhərində “Kənddən Şəhərə” Yeni il yarmarkası təşkil olunub. Yarmarka Kənd Təsərrüfatı Nazirliyinin tabeliyində fəaliyyət göstərən “Aqrar Tədarük və Təchizat” ASC-nin təşkilatçılığı ilə keçirilir.

Sumqayit.tv xəbər verir ki, yeni il və Dünya Azərbaycanlılarının Həmrəyliyi Günü münasibətilə təşkil olunan yarmarkanı Sumqayıt şəhər İcra Hakimiyyətinin başçısı Zakir Fərəcov ziyarət edib.

Məlumata görə, yarmarkanın keçirilməsində əsas məqsəd fermerlərin satış imkanlarının genişləndirilməsi, regionlardan gətirilən yerli məhsulların daha geniş istehlakçı kütləsinə çatdırılması, həmçinin bayram günlərində əhalinin keyfiyyətli, təbii və yerli məhsullarla təmin olunmasına şərait yaratmaqdır. Layihə çərçivəsində xüsusilə kiçik və orta fermer təsərrüfatlarında istehsal olunan məhsulların bazara çıxışının artırılmasına üstünlük verilir.

Qeyd edək ki, “Kənddən Şəhərə” Yeni il yarmarkası Sumqayıt şəhəri, 9-cu mikrorayon, Köhnə Şərq bazarının yaxınlığında təşkil olunub və dekabrın 29-dək davam edəcək.

26-12-2025, 11:54 17