Sumqayıt Dövlət Dram Teatrında “Məhkəmə qərarlarının icra olunmaması nəticəsində yaranan məsuliyyət tədbirləri” mövzusunda maarifləndirici “dəyirmi masa” təşkil olunub. Tədbir əvvəlcə şəhidlərin xatirəsi bir dəqiqəlik sükutla yad edilib, ardınca Dövlət Himni səsləndirilib.

Sumqayit.tv xəbər verir ki, Sumqayıt Şəhər İcra Hakimiyyətinin təşkilatçılığı ilə keçirilən tədbirdə hüquq-mühafizə orqanlarının, məhkəmə və icra strukturlarının əməkdaşları, təhsil müəssisələri, ictimai təşkilatlar, media və şəhər ictimaiyyəti iştirak edib.

Tədbiri açan Sumqayıt Şəhər İcra Hakimiyyəti başçısının birinci müavini Teymur Səmədov məhkəmə qərarlarının icrasının hüquqi dövlət quruculuğunun ayrılmaz hissəsi olduğunu vurğulayıb. Sumqayıt Şəhər İcra Hakimiyyətinin Hüquq şöbəsinin müdiri Layiqə Hidayətova, Bələdiyyə sədri Adil Xudadatov və digər çıxış edənlər məhkəmə qərarlarının icra mexanizmləri, hüquqi məsuliyyət tədbirləri və qanunvericilik normaları barədə məlumat veriblər.

Çıxışlarda borcun ödənilməsində qanuni mexanizmlər, könüllü icra müddətləri və gəlirlərin maksimum 70 faizinə qədər tutulma qaydaları diqqətə çatdırılıb. Tədbir mövzu ətrafında müzakirələrlə yekunlaşıb.

Dünən, 22:46 29