Azərbaycanda keçirilən avtobus marşrutları üzrə müsabiqələr çərçivəsində Sumqayıtla bağlı şəhərlərarası marşrut üzrə də qalib elan olunub.
Sumqayit.tv xəbər verir ki, Azərbaycan Yerüstü Nəqliyyat Agentliyinin (AYNA) məlumatına əsasən, Sumqayıt–Sınıq Körpü (Qazax sərhəd-keçid məntəqəsi) istiqamətində fəaliyyət göstərəcək daşıyıcı müəyyən edilib. Sözügedən marşrut üzrə müsabiqənin qalibi “Kaspian Ekspress” MMC olub.
Qeyd edilib ki, müsabiqə “Avtomobil nəqliyyatı haqqında” Qanuna və Nazirlər Kabinetinin müvafiq qərarına uyğun şəkildə təşkil edilib. Marşrutların mərhələli şəkildə müsabiqəyə çıxarılmasının əsas məqsədi sərnişindaşıma xidmətlərinin keyfiyyətinin, təhlükəsizliyinin və rahatlığının artırılması, eyni zamanda bu sahədə şəffaflığın təmin olunmasıdır.
11-02-2026, 11:47
40
