Azərbaycan Respublikasının Prezidenti İlham Əliyev fevralın 23-də “Azərbaycan Respublikasının Əmək Məcəlləsində dəyişiklik edilməsi haqqında” 2026-cı il 13 fevral tarixli 354-VIIQD nömrəli Qanunun qüvvəyə minməsi barədə fərman imzalayıb.

Sumqayit.tv xəbər verir ki, fərmana əsasən, Əmək Məcəlləsinin bəzi maddələrində icra hakimiyyəti orqanlarının səlahiyyətləri yenidən müəyyən olunub. Belə ki:

• Prezident bəzi hallarda müvafiq icra hakimiyyəti orqanlarının funksiyalarını həyata keçirəcək;

• Nazirlər Kabineti, mərkəzi və yerli icra hakimiyyətləri, dövlət publik hüquqi şəxsləri və dövlət mülkiyyətində olan hüquqi şəxslərin səlahiyyətləri dəqiqləşdirilib;

• Baş, sahə və ərazi kollektiv sazişləri üzrə icra mexanizmi müəyyənləşdirilib.

Qanun Nazirlər Kabinetinə həmin dəyişikliklərlə bağlı məsələləri həll etməyi tapşırır.

Prezident İlham Əliyev fərmanda həmçinin əvvəlki fərmanlarda qeyd olunan abzaslarda dəyişikliklər və əlavələrin edilməsini təsdiqləyib.

Beləliklə, Əmək Məcəlləsinə edilmiş dəyişikliklər rəsmi olaraq qüvvəyə minib və tətbiqi təmin edilir.

23-02-2026, 14:05 43