Sabahın havası açıqlandı – yağış və qar gözlənilir
Azərbaycanda martın 16-na gözlənilən hava şəraiti açıqlanıb.
Milli Hidrometeorologiya Xidmətinin məlumatına görə, Bakı və Abşeron yarımadasında hava dəyişkən buludlu olacaq, arabir tutulacaq. Gecə və səhər bəzi ərazilərdə yağış yağacağı ehtimal edilir. Cənub-qərb küləyi axşam saatlarında mülayim şimal-qərb küləyi ilə əvəz olunacaq.
Havanın temperaturu gecə 4–6° isti, gündüz 10–15° isti olacaq. Atmosfer təzyiqi 759 mm civə sütunundan 755 mm civə sütununa enəcək, nisbi rütubət gecə 80–85%, gündüz 60–70% təşkil edəcək.
Rayonlarda bəzi yerlərdə arabir yağıntılı hava müşahidə olunacaq, dağlıq ərazilərdə qar yağacağı gözlənilir. Ayrı-ayrı yerlərdə yağıntının intensivləşəcəyi, şimşək çaxacağı və duman olacağı ehtimal edilir. Qərb küləyi bəzi ərazilərdə arabir güclənəcək.
Havanın temperaturu rayonlarda gecə 2–7° isti, gündüz 10–15° isti, dağlıq ərazilərdə gecə 2–7° şaxta, gündüz isə 0–5° isti olacaq.
15-03-2026, 16:55
42
