Kanadanın qərbində yerləşən Britaniya Kolumbiyası vilayətində anomal istilər azı 719 nəfərin ölümünə səbəb olub. Bu gözlənilən saydan üç dəfə çoxdur. Sumqayıt.tv xarici KİV-lərə istinadən  xəbər verir ki,  bu qədər insan son bir həftə ərzində ölüb. Onların içərisində yaşlı insanlar üstünlük təşkil edir. Ölümlərin qarşısını almaq üçün xüsusi soyuducularla təchiz edilən məntəqələr yaradılıb.
Kanadanın qərbindəki Alberta vilayətində isə  fərdi evdə baş verən yanğın nəticəsində dördü uşaq olmaqla yeddi nəfər ölüb.Yanğın Kalqari şəhərindən 16 kilometr aralıda yerləşən Çestermer şəhərində qeydə alınıb. Evdə iki müsəlman ailə yaşayırmış. Ölənlər bir ailənin üzvü olub. Hazırda yanğının səbəbləri müəyyənləşdirilir.