ABŞ hərbçiləri hər gün ölkə Prezidenti Donald Tramp üçün son 48 saat ərzində İranda hədəflərə endirilən zərbələrlə bağlı videoçarx hazırlayırlar.
Sumqayıt.tv xəbər verir ki,bu barədə NBC News telekanalı mənbələrə istinadən məlumat yayıb.
Bildirilir ki, gündəlik hazırlanan videoçarx adətən təxminən iki dəqiqə davam edir. Video materiallarda son əməliyyatlar zamanı endirilən ən uğurlu zərbələr əks olunur.
Mənbələrin sözlərinə görə, Donald Tramp məlumatları təkcə bu videoçarxlar vasitəsilə deyil, həmçinin hərbi müşavirlərlə müzakirələr, xarici liderlərlə telefon danışıqları və media reportajları vasitəsilə də əldə edir.
Bununla belə, bəzi müttəfiqlər hesab edir ki, qısa video materiallar dörd həftədir davam edən müharibənin tam mənzərəsini əks etdirməyə bilər və prezidentin vəziyyəti tam qiymətləndirməsinə mane ola bilər.
25-03-2026, 23:01
32
