Bu ilin yanvar-fevral aylarında Azərbaycanda 1 milyon 615 min kvadratmetr tikinti şüşəsi istehsal olunub.

Sumqayit.tv xəbər verir ki, bu barədə Dövlət Statistika Komitəsinin açıqlamasında bildirilib. Məlumata görə, istehsal həcmi ötən ilin eyni dövrü ilə müqayisədə 5,4 faiz artıb.

Qeyd olunub ki, bu il martın 1-nə ölkədə 2 milyon 126 min kvadratmetr hazır məhsul ehtiyatı mövcud olub.

Statistikaya əsasən, 2025-ci il ərzində Azərbaycanda ümumilikdə 9 milyon 851 min kvadratmetr tikinti şüşəsi istehsal edilib ki, bu da 2024-cü illə müqayisədə 7,3 faiz çoxdur.

Mütəxəssislər istehsal artımını tikinti sektorunda müşahidə olunan canlanma ilə əlaqələndirirlər.

23-03-2026, 10:29 22