Ramazan bayramı böyük ehtimalla 20 mart tarixində qeyd olunacaq. Bayramın dəqiq tarixi Şəvval ayının hilalının görünməsindən asılıdır. Azərbaycanın bütün məscidlərində bayram namazları qılınacaq. Bakıda Əjdərbəy məscidində namaz saat 08:00-da, Təzəpir məscidində isə 09:00-da başlayacaq. Qafqaz Müsəlmanları İdarəsinin Qazılar Şurasının fitvasına görə hər bir ailə üzvü üçün 10–15 manat fitrə zəkatının verilməsi tövsiyə olunur. Fitrə zəkatı imkanı olan müsəlman tərəfindən ailəsinin hər üzvü üçün verilir və imkansızlara, ehtiyacı olanlara paylanmalıdır. Bu, hər bir ailəyə bayram ovqatı yaşamağa imkan verir.

16-03-2026, 21:10 59