Bu gün İzmirdə Ümummilli Lider Heydər Əliyevin xatirəsi ehtiramla yad edilib.
Sumqayit.tv xəbər verir ki, İzmir Azərbaycan Kültür və Dayanışma Dərnəyi və İzmirdə təhsil alan azərbaycanlı gənclərin təşkilatçılığı ilə Karşıyakada yerləşən Heydər Əliyevin büstü önündə anım mərasimi keçirilib.
Tədbirdə dərnəyin sədri Eşref Tuna, Azərbaycanın Egey bölgəsindəki mədəniyyət elçisi, aktrisa və diaspora fəalı Roza İbadova Kocamaz, dərnək rəhbərliyi, eləcə də İzmirdə təhsil alan tələbələr iştirak ediblər.
Anım mərasimində Sima İsmayılova, Nihat Rzayev, Şəhriyar Hüseyn, Deniz Fərəcova, Mədinə Qocayeva, Nəzrin Musayeva, Aytac Xəlilova və digər gənclər də yer alıblar.
Tədbir zamanı Heydər Əliyevin abidəsi önünə gül dəstələri qoyulub, onun Azərbaycan dövləti və Türk dünyası üçün gördüyü xidmətlərdən bəhs edilib. Çıxış edənlər Ümummilli Liderin siyasi irsinin bu gün də Azərbaycan xalqı üçün mühüm yol göstəricisi olduğunu vurğulayıblar.
Anım mərasimi iştirakçıların xatirə şəkilləri çəkdirməsi ilə yekunlaşıb.
10-05-2026, 17:11
270
