Bakıda təşkil olunan Ümumdünya Şəhərsalma Forumunun 13-cü Sessiyası (WUF13) ikinci gün işini davam etdirir.

Sumqayit.tv xəbər verir ki, forum çərçivəsində bu gün ilk dəfə olaraq Liderlər Sammitinin keçirilməsi nəzərdə tutulub.

Tədbir zamanı qlobal mənzil böhranı, təhlükəsiz və dayanıqlı şəhərlərin inkişafı, urbanizasiya siyasətləri, eləcə də şəhər dayanıqlığının gücləndirilməsi ilə bağlı mühüm məsələlər müzakirə olunacaq.

Forumun ikinci günündə rəsmi açılış mətbuat konfransının da keçirilməsi planlaşdırılır.

Bundan əlavə, proqram çərçivəsində Assambleyaların Birgə Bağlanış Mərasimi, Afrika regionu nazirlər görüşü, həmçinin Latın Amerikası və Karib Hövzəsi üzrə Mənzil və Urbanizasiya Nazirləri və Yüksək Səviyyəli Rəsmilər Forumunun (MINURVI) sessiyası baş tutacaq.

Qeyd edək ki, mayın 22-dək davam edəcək Ümumdünya Şəhərsalma Forumunda dünyanın 182 ölkəsindən 40 mindən artıq iştirakçı qeydiyyatdan keçib.