Qubada baş verən ağır yol-nəqliyyat hadisəsində bir nəfər həyatını itirib.
Sumqayit.tv xəbər verir ki, “Qafqazinfo”nun məlumatına görə, hadisə bu gün Quba–Dağıstan sərhədi avtomobil yolunun 149-cu kilometrliyində qeydə alınıb.
Məlumata görə, Sumqayıt şəhər sakini, 27 yaşlı Ü.Həsənzadə idarə etdiyi “Hyundai” markalı avtomobillə yolu keçən piyadanı vurub.
Qəza nəticəsində müxtəlif dərəcəli bədən xəsarətləri alan 40 yaşlı Hindistan vətəndaşı Khan Mansoor Faizulla xəstəxanada dünyasını dəyişib.
Faktla bağlı araşdırma aparılır.
18-11-2025, 11:52
115
