Sumqayıtda və Abşeron regionunda fərdi qaydada fəaliyyət göstərən şəxslərin sosial sığorta haqları artırılacaq.
Sumqayit.tv xəbər verir ki, bu barədə Milli Məclisin İqtisadi siyasət, sənaye və sahibkarlıq komitəsinin iclasında müzakirəyə çıxarılan “Sosial sığorta haqqında” qanuna dəyişiklik layihəsində qeyd edilib.

Yeni dəyişikliklərə əsasən, toy, şənlik və digər tədbirlərdə aparıcılıq, çalğıçılıq, rəqqaslıq, aşıqlıq, məzhəkəçilik və fərdi foto-video xidmətləri ilə məşğul olan şəxslər üçün sosial sığorta haqqı minimum aylıq əməkhaqqının 5 faizindən 8 faizinə qaldırılır.

Bundan başqa, bərbər, dərzi, çəkməçi, pinəçi, məişət texnikası ustaları, ev qulluqçuları, dayələr, fərdi sürücülər, aşpazlar, bağbanlar və gözətçilər üçün də bu göstərici 3 faizdən 5 faizə artırılacaq.

Sumqayıt şəhəri və Abşeron rayonu üzrə sosial sığorta haqqı 1,5 əmsal ilə hesablanacaq.
Yeni qaydalar 2026-cı il yanvarın 1-dən qüvvəyə minəcək.

6-11-2025, 12:38 58