Dünya bazarında neftin qiymətində kəskin ucuzlaşma qeydə alınıb. “Brent” markalı neftin bir barelinin dəyəri 100 ABŞ dollarından aşağı enib.

Sumqayıt.tv xəbər verir ki, bu barədə “İnterfaks” məlumat yayıb.

Məlumata görə, ABŞ ilə İran arasında gərginliyin azaldılması ilə bağlı yayılan xəbərlər fonunda neft bazarında qiymət geriləməsi müşahidə olunub. ICE ticarət platformasında “Brent” markalı neftin may füçersləri 5.09 dollar ucuzlaşaraq 99.4 dollara düşüb.

Eyni zamanda, NYMEX birjasında WTI markalı neftin qiyməti 3.73 dollar azalaraq 88.62 dollar təşkil edib.

KİV-in məlumatına görə, Vaşinqton danışıqlar çərçivəsində Tehrana 15 bənddən ibarət təkliflər paketi təqdim edib. Lakin İran tərəfi hələlik bu təkliflərə rəsmi münasibət bildirməyib.

Ekspertlər hesab edir ki, mümkün razılaşma ehtimalı qiymətlərə təsir etsə də, danışıqların yekun nəticəsi ilə bağlı qeyri-müəyyənlik qalmaqdadır.

Dünən, 12:56 14