Azərbaycan Mərkəzi Bankı (AMB) lizinq şirkətlərinin fəaliyyətinə nəzarəti gücləndirməyi planlaşdırır.

Sumqayit.tv xəbər verir ki, bu barədə AMB-nin sədr müavini Toğrul Əliyev Milli Məclisin İqtisadi siyasət, sənaye və sahibkarlıq komitəsinin iclasında “Maliyyə icarəsi haqqında” qanun layihəsinin müzakirəsi zamanı məlumat verib.

Onun sözlərinə görə, sözügedən qanunun qəbulu lizinq şirkətlərinin üzərinə əlavə tələblər qoyacaq.

“Bu məsələdə əsas məqsədlərimizdən biri nəzarət yox, daha çox liberallaşmış yanaşma əsasında ölkə iqtisadiyyatına, sahibkarlıq, xüsusən də kiçik və orta sahibkarlıq subyektlərinə dəstək göstərməkdir”, – deyə o bildirib.

T.Əliyev əlavə edib ki, bu istiqamətdə yeni strategiyanın qəbul olunması planlaşdırılır və tənzimləyici sənədlərdə müvafiq addımlar atılacaq.

22-04-2026, 22:32 301