Bilirik ki, son zamanlar İran-Azərbaycan münasibətlərində ciddi gərginlik müşahidə olunur. Sərhədlərimizdə həyata keçirilən hərbi təbliğatlar, “Ermənistan bizim qırmızı xəttimizdir” və sair kimi səslənən fikirlər bir daha təsdiqləyir ki, rəsmi Tehran Azərbaycana Ermənistan üzərindən təzyiqləri artırmaq istəyir. 
Biz də öz növbəmizdə mövzu ilə bağlı Turan Partiyasının sədri Cahandar Bayoğlunun münasibətini öyrəndik. O, Sumqayit.tv’yə verdiyi açıqlamada bildirdi ki, rəsmi İrəvan və rəsmi Tehran Azərbaycana qarşı müstəqil olaraq hansısa plan hazırlaya bilməzlər. 
“Yalnız və yalnız onlar başqa güclərin hazırladıqları planların oyuncaqları ola bilər. Necə ki, yarandığı vaxtdan bu günə qədər Tehran faşizmi və Ermənistan adlı quldur dövlət Rusiya İmperiyasının oyuncağı olmuşdur və bu gün də çökən bir Rusiya İmperiyası dönəmində başqa güclər Azərbaycana qarşı, Türk millətinə qarşı məkrli siyasət həyata keçirmək üçün birlik halındadırlar. Rusiya İmperiyası çökür lakin indi də Fransa üzərindən bölgədə özəlliklə Türkiyə və Azərbaycana qarşı düşmənçiliyin içərisində olduqlarını açıq-aşkat göstərirlər. Bu baxımdan, soy birliyi eyni olan İran və Ermənistan Azərbaycana qarşı açıq savaş halındadırlar və bu savaşın nəticəsi təbii ki, sadaladığım iki quldur dövlətin çöküşü ilə nəticələnəcəkdir. Çünki bölgədə 200 milyonluq türk millətinin ümumtürk milli hərəkatının başlandığının şahidi oluruq. Bu türk nüfuzu bu gün birlik halında olmaq uğrunda çalışırlar. Çox qısa zamanda onlar birlik halında bölgədə öz sözünü deyəcək, türk millətinin iradəsini hamının gözü önünə sərəcək və bu iradənin nəticəsi İran və Ermənistanın çöküşü olacaqdır.”

Jurnalist Şəbnəm MƏŞİYEVA