Sumqayıt şəhər Polis idarəsinin əməkdaşları şəhər ərazisində koronavirusa qarşı aparılan mübarizə tədbirlərini davam etdirir.
Sumqayit.tv-in məlumatına görə, şəhərin 20 Yanvar küçəsində aparılan reyd zamanı marketlərdən birinin karantin qaydalarını kobud şəkildə pozduğu məlum olub. Belə ki, polis əməkdaşlarının apardığı nəzarət tədbirləri nəticəsində 16-cı məhəllədə yerləşən "Army” marketdə Nazirlər Kabineti yanında Operativ Qərargahın tətbiq etdiyi qaydalara riayət edilmədiyi aşkarlanıb.   Dəfələrlə polislər tərəfindən edilən xəbərdarlıqlara məhəl qoymayaraq tətbiq olunan qaydaları pozduğuna görə, marketin sahibi, Abşeron rayon Xırdalan şəhəri məhəllə 27 ev 18 v mənzil 31-də qeydiyyatda olan 1982-ci il təvəllüdlü Tağıyev Səhrab Sahir oğlu barəsində Sumqayıt Şəhər Polis İdarəsinin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb. Cinayət işi ilə bağlı market sahibi 39 yaşlı S. Tağıyev saxlanılıb.
Xatırladaq ki, market sahibi bir müddət öncə qanunvericiliyin tələbinə əsasən vəzifəli şəxs qismində 4000 manat cərimələnmişdi.