Sumqayıt Şəhər İcra Hakimiyyətinin başçısı Zakir Fərəcov şəhərin 4-cü mikrorayonunda növbəti səyyar vətəndaş qəbulu keçirib.

Suqmayit.tv xəbər verir ki, qəbulda şəhər icra hakimiyyətinin məsul əməkdaşları, aidiyyəti qurumların nümayəndələri və sakinlər iştirak ediblər. Görüş zamanı vətəndaşların müraciət və təklifləri dinlənilib, qaldırılan məsələlər müzakirə olunub.

Məlumata görə, sakinlər əsasən məşğulluq, sosial təminat, abadlıq işləri, kommunal xidmətlər və digər sosial xarakterli problemlərlə bağlı müraciətlər ediblər.

Bildirilib ki, müraciətlərin bir qismi qəbul zamanı yerində araşdırılıb, əlavə araşdırma tələb edən məsələlərin həlli üçün isə aidiyyəti qurumlara müvafiq tapşırıqlar verilib.

Qəbul zamanı vətəndaş müraciətlərinə operativ baxılmasının və qaldırılan məsələlərin həlli istiqamətində tədbirlərin davam etdirilməsinin vacibliyi vurğulanıb.

Qeyd edək ki, Sumqayıt Şəhər İcra Hakimiyyətinin rəhbərliyi tərəfindən şəhərin müxtəlif yaşayış məntəqələrində mütəmadi olaraq səyyar vətəndaş qəbulları keçirilir.

19-06-2026, 16:23 59