Aşura günü münasibətilə Sumqayıt, Bakı və Abşeron ərazisində qanvermə aksiyaları təşkil olunacaq.

Sumqayit.tv xəbər verir ki, bu barədə Qafqaz Müsəlmanları İdarəsi (QMİ) məlumat yayıb.

Məlumata görə, məhərrəmlik dövrünün mühüm tədbirlərindən biri olan Aşura günü qanvermə aksiyası Kərbəla şəhidlərinin xatirəsinə keçirilir. Qafqaz Müsəlmanları İdarəsinin təşəbbüsü və Səhiyyə Nazirliyinin birgə təşkilatçılığı ilə reallaşdırılan aksiya illərdir davam etdirilir və geniş ictimai dəstək qazanıb.

Sumqayıt, Bakı və Abşeron üzrə qanvermə aksiyasının keçiriləcəyi ünvanlar aşağıdakılardır:

Sumqayıt

• "Cümə" məscidi

Bakı

• Xəzər rayonu – Mirmövsüm Ağa Ziyarətgahı
• Nəsimi rayonu – Əjdərbəy məscidi (Göy məscid)
• Nizami rayonu – "Sahib-əz-Zaman" məscidi
• Nizami rayonu – "Şah Abbas" məscidi
• Səbail rayonu – "Bibiheybət" məscid ziyarətgahı
• Sabunçu rayonu – "İmam-Rza" məscidi
• Suraxanı rayonu – "Qaraçuxur" məscidi
• Yasamal rayonu – "Təzə Pir" məscidi
• Yasamal rayonu – Azərbaycan İlahiyyat İnstitutu
• Binəqədi rayonu – Cümə məscidi
• Binəqədi rayonu – "İmam Əli" məscidi

QMİ və Səhiyyə Nazirliyi vətəndaşları qanvermə aksiyasında fəal iştirak etməyə çağırır. Bildirilir ki, verilən hər bir qan nümunəsi talassemiya, hemofiliya və digər xəstəliklərdən əziyyət çəkən insanların həyatının xilas edilməsinə mühüm töhfə verir.

19-06-2026, 15:19 100