Sumqayıt şəhəri, 13-cü mikrorayon, 6A saylı binanın sakinləri bildirirlər ki, artıq bir neçə aydır binanın zirzəmisi (padvalı) çirkab sularla doludur və vəziyyət getdikcə daha da ağırlaşır.
Nəticədə bina baxımsız vəziyyətə düşüb. Müraciət edən vətəndaşın Sumqayıt.tv-yə verdiyi məlumata görə, dəfələrlə aidiyyəti qurumlara edilən şikayətlərə baxmayaraq, bu günədək heç bir tədbir görülməyib. Bu səbəbdən yaranan antisanitar vəziyyət ərazidə həşərat və cücülərin həddindən artıq çoxalmasına gətirib çıxarıb.
Sakinlərin sözlərinə görə, mövcud vəziyyət yaşayış şəraitini ciddi şəkildə çətinləşdirib, hətta mənzillərin pəncərələrini açmaq belə mümkün deyil. Sakinlər məsələ ilə bağlı operativ tədbir görülməsini və problemin qısa zamanda aradan qaldırılmasını xahiş edirlər. Onların fikrincə, mövcud vəziyyət həm sağlamlıq, həm də təhlükəsizlik baxımından ciddi risk yaradır. 

Bu gün, 19:21 15