Sığorta Agentlərinin Assosiasiyası Ulu Öndər Heydər Əliyevin 100 illiyi münasibəti ilə “Təbiəti Qoru-Gələcəyini sığortala’’ adlı ekoloji aksiya keçirib.
Sumqayit.tv xəbər verir ki, Ekologiya və Təbii Sərvətlər Nazirliyinin dəstəyi ilə keçirilən aksiya bu gün səhər saatlarında Sumqayıt şəhərində “Xəzər Bağları”ında baş tutub. Aksiyada çimərlik ərazisi tullantılardan təmizlənib. Sığorta Agentləri Assosiasiyasının təsisçisi Vüsal Bədəlov bildirib ki, bu gün aksiyada ümumilikdə 100-ə yaxın sığorta agenti, və media nümayəndələri iştirak ediblər. Aksiya zamanı dəniz kənarında 2 h yaxın ərazi tullantılardan təmizlənib. Ümumilikdə 200 kq-dan artıq tullantı poliqona göndərilib. Vüsal Bədəlov həmçinin əlavə edib ki, assosiasiya tərəfindən bu cür ekoloji aksiyaların mütəmadi keçirilməsi nəzərdə tutulur.