Səhər saat 9-da işə gəlib, axşam 5-6 civarı qapısını örtüb gedən şəxsdən heç vaxt idarəçi olmaz.
Sumqayit.tv xəbər verir ki, bu sözləri Türkiyə dövlət başçısı Rəcəb Tayyib Ərdoğan Prezident Sarayında 108-ci Dönəm Kaymakamlıq Kursu Törənində çıxışı zamanı deyib.
“Ölkə idarəetməsi iş saatlarında ediləcək bir peşə deyil. Bizi təmsilən xidmət etdiyiniz ilçələrdə günün 24 saatı, ilin 365 günü çalışmağınızı, aktiv temp və motivasiya ilə işinizə sarılmağınızı gözləyirəm. Mən dövlət başçısı olaraq belə işləyirəm. 5-6 saat yatıram. Evə bəzən gecə saat 12, bəzən 1-də gedirəm. Əks təqdirdə mümkün deyil. Ona görə də sizdən də bunu gözləyirəm. Başqa cür nə millətlə güclü əlaqələr yarada bilərsiniz, nə də geridə miras buraxa bilərsiniz”, - deyə dövlət başçısı bildirib.