Sumqayıtda törədilən qətlin təfərrüatı məlum olub.
Sumqayit.tv xəbər verir ki, bu barədə Den.az-a yaxın mənbələrdən məlumat verilib.

Belə ki, iki gün bundan öncə İsrail Rəsulov dostları ilə birgə şəhərdə gəzərkən qardaşı arvadı olan Cəmilə Rəsulovanı tanımadıqları yad bir oğlanla görüblər. Cəmilə qaça bilsədə, ancaq həmin oğlanı dostları ilə birgə tutaraq döyüblər. İsrail Rəsulov daha sonra qardaşı arvadının arxasınca evə gəlib. Binanın dördüncü mərtəbəsində yaşayan Cəmilə Rəsulova qapını arxadan bağlasada lakin İsrail içəri keçə bilib. Bu zaman Cəmilə özünü binanın 4-cü mərtəbəsindən aşağı atıb. Ağır kəllə beyin travması alan qadın dərhal xəstəxanaya yerləşdirilib.

İsrail Rəsulov bu barədə xarici ölkədə yaşayan qardaşına, yəni Cəmilə Rəsulovanın ərinə məlumat verib. İki gün sonra xəstəxanaya hazırlıqlı gələn İsrail Rəsulov palataya keçib və cibindən bıçağı çıxararaq onun boyun nahiyəsinə zərbələr endirib. Cəmilə Rəsulova hadisə yerində dünyasını dəyişib.

Qeyd edək ki, Cəmilə Rəsulova 1 qız, 1 oğlan anasıdır. Hadisəni törədən İsrail Rəsulov isə Cəmilənin balaca qaynı və  iki uşaq atasıdır.

Məlumat üçün bildirək ki, avqustun 9-da saat 12 radələrində Sumqayıt şəhərində yerləşən Travmatologiya xəstəxanasında müalicə alan 23 yaşlı Cəmilə Rəsulovanın öldürülməsi barədə Sumqayıt şəhər prokurorluğuna məlumat daxil olub. 

Araşdırmalarla 26 yaşlı İsrail Rəsulovun bıçaqla xəsarət yetirərək qohumu Cəmilə Rəsulovanı qəsdən öldürməsinə əsaslı şübhələr müəyyən edilib. Hadisəyə gəlincə qayın öz qardaşı arvadını görmək məqsədi ilə içəri daxil olub. Cəmilə Rəsulovanı otaqda öldürdükdən sonra qaçmaq istəyib , lakin TƏBİB-in mühafizə xidmətinin əməkdaşı İsrail Rəsulovun əlindəki bıçağı alıb və onu dərhal polisə təhvil verib.