Azərbaycan Respublikasının Prezidenti İlham Əliyev məhkəmə sistemində yeni təyinatlarla bağlı Sərəncam imzalayıb.

Sumqayit.tv xəbər verir ki, dövlət başçısının imzaladığı sərəncama əsasən, Zahid Tahir oğlu Məmmədov Sumqayıt Apellyasiya Məhkəməsinin Kommersiya Kollegiyasının sədri vəzifəsinə təyin edilib.

Sərəncamda həmçinin apellyasiya instansiyası, ağır cinayətlər, inzibati və rayon məhkəmələrinə bir sıra yeni təyinatlar öz əksini tapıb.

Yeni təyinatlarla bağlı Məhkəmə-Hüquq Şurasının təklifləri nəzərə alınıb və qərar Azərbaycan Respublikası Konstitusiyasının 109-cu maddəsinə uyğun olaraq verilib.

Sumqayıt / Rəsmi

29-10-2025, 20:45 260