Sumqayıt şəhərində 2025–2026-cı illərin payız-qış mövsümünə hazırlıqla bağlı iclas keçirilib.

Sumqayit.tv xəbər verir ki, İclas Sumqayıt Şəhər İcra Hakimiyyətinin başçısı Zakir Fərəcovun rəhbərliyi ilə baş tutub.

Görülən işlər, mövsümə hazırlıq tədbirləri və qarşıda duran vəzifələr müzakirə olunub.

Zakir Fərəcov bildirib ki, şəhər əhalisinin istilik, qaz, elektrik və içməli su ilə fasiləsiz təmin olunması istiqamətində işlər planlı şəkildə aparılır. Şəhərin bütün sahələrini əhatə edən tədbirlər planı hazırlanıb və mərhələlərlə icra olunur.

Son illərdə həyata keçirilən abadlıq və infrastruktur layihələri nəticəsində enerji və su təchizatı sistemlərinin dayanıqlığı artırılıb, yeni kommunikasiya xətləri çəkilib.

Hazırda yaşayış binaları, sosial obyektlər və təhsil müəssisələrinin istilik sistemlərinə baxış keçirilir, nasaz avadanlıqların təmiri və yenilənməsi davam edir. “Azəriqaz”, “Azərişıq” və “Azərsu”nun yerli strukturları da təmir-bərpa tədbirlərini plan üzrə icra edir.

İclasın sonunda şəhər rəhbəri mövsümə hazırlığın qısa müddətdə və keyfiyyətlə başa çatdırılması, vətəndaş müraciətlərinə çevik reaksiya verilməsi ilə bağlı tapşırıqlar verib.

30-10-2025, 12:16 101