Son əsrdə Azərbaycanda orta illik temperaturun 0,4–1,3 dərəcə artması, quraqlıq dövrlərinin 34 faiz çoxalması və tozlu hava hadisələrinin 5 dəfə artması iqlim dəyişikliklərinin ciddi təsirini göstərir.

Sumqayit.tv xəbər verir ki, bu barədə Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov “Azərbaycan Respublikasının 2026-cı il dövlət büdcəsi haqqında” qanun layihəsinin müzakirəsi zamanı bildirib.

Komitə sədri vurğulayıb ki, Bakı və Sumqayıt kimi sənaye şəhərlərində hava çirklənməsinin 70–75 faizi nəqliyyat vasitələrinin emissiyaları ilə bağlıdır.

Onun sözlərinə görə, iqlimlə əlaqədar məsələlərin dövlət büdcəsində nəzərə alınması vacibdir:

“Xüsusilə elektrikli nəqliyyat vasitələrinin stimullaşdırılması, bərpa olunan enerji mənbələrinin inteqrasiyası və regional hava monitorinq sistemlərinin gücləndirilməsi istiqamətində tədbirlərin dəstəklənməsi məqsədəuyğundur.”

Sadiq Qurbanov hesab edir ki, Sumqayıt kimi sənaye şəhərlərində ekoloji layihələrin maliyyələşdirilməsi və hava keyfiyyətinə nəzarətin artırılması gələn ilin büdcəsində prioritet olmalıdır.

Bu gün, 15:21 6