Sumqayıtta mağazalarin birində oğurluq qeydə alınıb.

Sumqayit.tv xəbər verir ki, Sumqayıt şəhərində yerləşən mağazaların birində oğurluq hadisəsi baş verib. Məlumata görə, naməlum şəxs mağazada satıcı və ya müştərinin olmadığı anı fürsət bilərək oradan mobil telefon oğurlayıb.

Bu barədə Daxili İşlər Nazirliyinin Mətbuat Xidmətindən məlumat verilib.

Bildirilib ki, Sumqayıt Şəhər Polis İdarəsinin 3-cü Polis Bölməsi əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən, əvvəllər dəfələrlə məhkum olunmuş 39 yaşlı A. Əliyev müəyyən edilərək saxlanılıb.

Şəxsin üzərinə baxış zamanı psixotrop maddə — metamfetamin də aşkarlanaraq götürülüb.

Faktla bağlı araşdırmalar davam etdirilir.

20-11-2025, 16:47 200