Sumqayıtda dünən axşam saatlarında ağır yol qəzası zamanı həyatını itirən şəxsin kimliyi bəlli olub. 

Sumqayit.tv xəbər verir ki, şəhər sakini Adil Ağayevin idarə etdiyi “Mercedes” markalı avtomobil S.Vurğun küçəsində yolu keçən piyadanı vurub. Nəticədə 55 yaşlı Yaqub Qərib oğlu Əhədov aldığı ağır xəsarətlər səbəbindən hadisə yerində keçinib.

Hadisə ilə bağlı araşdırma aparılır.

"Qafqazinfo"nun məlumatına görə, Yaqub Əhədov Müdafiə Nazirliyinin Silahlandırma İdarəsinin keçmiş rəisi olub. O, bir neçə il əvvəl vəzifəsindən azad edilib və barəsində cinayət işi başlanıb. Həmin dövrdə onun hərbi rütbəsi də polkovnikdən aşağı salınıb.