Xarici nömrədən edilən zənglə vətəndaşın kart məlumatları ələ keçirilməyə çalışılıb.
Sumqayit.tv-yə müraciət edən Sumqayıt sakini son günlər yayılmış yeni dələduzluq sxemi barədə məlumat verib. Onun sözlərinə görə, naməlum şəxs WhatsApp üzərindən +92 342 427 09020 nömrəsindən zəng edərək ingilis dilində danışıb və vətəndaşa guya 5 000 dollar qazanacağını bildirib. Dələduzlar iddia ediblər ki, guya həmin məbləği göndərə bilmək üçün vətəndaş kartının nömrəsini və təsdiq kodlarını təqdim etməlidir. Müraciət edən şəxs onların dələduz olduğunu anlayaraq etiraz edib: “Dedim ki, dələduzsuz, mənim pulumu oğurlamaq istəyirsiniz. Sonra telefonu bağladılar” – deyə o bildirib. Vətəndaş redaksiyamıza ünvanladığı müraciətdə məlumatın ictimailəşdirilməsi və başqa insanların potensial dələduzların toruna düşməməsini istəyib.

22-11-2025, 14:53 172