Sumqayıtda sahibsiz itlərlə bağlı problem sakinlərin narahatlığını artırır.
Sumqayit.tv redaksiyasına göndərilən məlumata görə, son günlər 24 və 28 nömrəli məktəblərin ətrafında bir neçə aqressiv it qruplaşıb və sakinlərin rahatlığını pozur.

Sakinlərin verdiyi məlumata görə, itlərin hürməsi gecə saatlarından səhərə qədər davam edir və insanlar yatmaqda çətinlik çəkir. “Mən bina evində yaşayıram və həmin itlərin hürməsi səhərə qədər bizi yatmağa qoymayıb”, – deyə bir sakin bildirib. Məktəb ətrafında olan itlər valideynlər və uşaqlar üçün təhlükə yaradır, axşam saatlarında ərazidən keçən sakinlər isə özlərini narahat hiss edirlər.

Problem yalnız səs-küylə məhdudlaşmır. Sahibsiz itlərin çoxluğu həm təhlükəsizlik, həm də sanitar baxımdan risk daşıyır. Bəzən itlər aqressiv davranış göstərir, bu isə ərazidə olan insanlar üçün əlavə narahatlıq yaradır.

Sakinlər aidiyyəti qurumlardan sahibsiz itlərin sayı ilə bağlı tədbir görülməsini xahiş edirlər.

VİDEO LİNK:
(50)Sumqayıt TV Official (@sumqayittvofficial) | TikTok

9-12-2025, 17:10 124