Sumqayıt şəhəri, Hafiz Baxış küçəsi, Mənzil 89 ünvanında yaşayan sakin Zaxar Şahniyarov Sumqayit.tv-ə müraciət edərək bildirib ki, bir neçə gündür ərazidə kanalizasiya xətti tamamilə tutulub və nəticədə bütün həyət bərbad vəziyyətə düşüb. Həmçinin yaxınlıqda yerləşən 76-cı məhəllə, 33-cü ünvan ərazisində də vəziyyət oxşar olaraq həyətləri və yollara təsir göstərir. Sakin bildirir ki, evdən nə çıxmaq olur, nə də içəri girmək – həyət boyu çirkab suyu dizə qədər qalxıb.

Zaxar Şahniyarov redaksiyamıza deyib ki, məsələ ilə bağlı artıq icra hakimiyyəti ilə əlaqə saxlayıb, lakin hələlik problemə müdaxilə olunmayıb:
“Dedilər, indi zəng edib deyəcəyik… Amma vəziyyət dəyişmir. Su evə dolur. Bu hələ yağışlar başlamamışdır. Leysan yağsa, evimiz tamamilə suyun altında qalacaq.”

Videodan da açıq görünür ki, kanalın tutulması nəticəsində su həyətə və evin daxilinə qədər yayılıb. Sakinlərin sözlərinə görə, məsələ təkcə məişət narahatlığı deyil, həm də real təhlükədir — elektrik, sağlamlıq və əmlak itkisi riski hər an mövcuddur.

Hazırda ailə öz gücü ilə vəziyyətə çarə tapa bilmir və aidiyyəti qurumların dərhal tədbir görməsini tələb edir. Zaxar Şahniyarov Sumqayit.tv vasitəsilə müraciət edərək, vəziyyətin ictimailəşdirilməsini və yardım göstərilməsini istəyir. 

Müəllif:Sumqaylt.Tv

 Link: (42)Sumqayıt TV Official (@sumqayittvofficial) | TikTok  

10-12-2025, 17:00 90