Azərbaycan Respublikasının Prezidenti İlham Əliyevi növbəti dəfə ölkəmizi beynəlxalq arenalarda uğurla təmsil edən idmançıları mükafatlandırılıb.
Sumqayit.tv xəbər verir ki, Yunan-Roma güləşi üzrə Sumqayıt şəhərindən olan tanınmış idmançı Məmmədov Murad Səxavət oğluna mənzil orderi təqdim edilib.

Xatırladaq ki, Murad Məmmədov 63 kq çəki dərəcəsində çıxış edərək Azərbaycan güləş məktəbinin nüfuzunun yüksəldilməsinə mühüm töhfələr verib. 2021-ci ildə keçirilən Dünya Çempionatında M.Məmmədov bürünc medal qazanıb. Sumayıtlı idmançı Avropa çempionatlarında da uğurlu çıxışları ilə seçilib. Belə ki, O, 2018-ci ildə gümüş, 2022-ci ildə bürünc medal əldə etməklə, 2024-cü ildə isə Avropa çempionatının qızıl medalına layiq görülüb.