Son günlərin trend mahnısı “Bilmez İdim Dərd Verər – Sensizlik” YouTube-də 10 günə 6 milyon baxış toplayıb. Mahnı həm Azərbaycanda, həm də ölkə xaricində böyük maraqla qarşılanıb. Maraqlı məqam isə odur ki, Türkiyədə bir xanım müğənni mahnının onun oxuduğunu iddia etsə də, mahnının aranjımançısı Fərid Musayev (Sumqayıt) bu iddianı rədd edir və bildirir ki, mahnıdakı səs süni intellektə aiddir.
Sumqayıtlı müğənni Fərid Sumqayıt Sumqayit.tv-ə eksklüziv açıqlamalar verib:
- Baxış uğuru barədə nə düşünürsünüz? Bu qədər maraq gözləyirdinizmi?
- Əvvəla sizə və kollektivinizə uğurlar arzulayıram və təşəkkür edirəm. "Sensizlik" mahnımıza YouTube-də 10 günə 6 milyon izləmə gəlib. Milyonlarla TikTok və Instagram videoları çəkilib. Nəyinki Azərbaycanda, Türkiyə, Özbəkistan və bir neçə ölkələrdə sevilir.
-Bu layihədə süni intellektdən istifadə etmisiniz. Sizcə, AI musiqidə yaradıcılığa mane olur, yoxsa yeni imkanlar açır?
-Bu mahnını mən 2022-də ifa etmişəm. Süni intellektlə yenidən paylaşıldı və daha çox izlənildi. "Süni intellekt yaradıcılığa mane olmur, amma düşünürəm ki, müvəqqətidir – o insan səsi deyil. Nə qədər yaxşı da olsa, canlı insan kimi ürəkdən ifa edə bilməz.”
-Vokalın real insana aid olmaması ilə bağlı məsələlər necədir?
-Vokal insan səsi deyil. Türkiyədə Eda Tat adlı bir xanım çıxıb Kanal D xəbərlərinə deyib ki, o səs guya onun səsidir. Amma yalandır, sözügedən video sadəcə süni intellektdir.
-Sensizlik’ mahnısının mənası nədir? Mahnı sizə aid hisslərdən yaranıb, yoxsa başqa motivlər də var?
-Sensizlik mahnımda öz qəlbimdən gələn sözlər də var, lakin mənə aid olmayan sözlər də var. Biz mahnı yazanda oxuyanda özümüz üçün yox, millətimiz, xalqımız üçün oxuyuruq.
- Gələcək planlarınızda süni intellekt layihələri varmı?
-Gələcəkdə süni intellektlə yox, amma yeni mahnılarımız hazırlanır və inşallah tezliklə paylaşılacaq.
Müəllif: Sumqayit.tv
Mahnının video linki:
30-12-2025, 20:14
616
