Sumqayıt şəhərində Novruz bayramı münasibətilə ümumşəhər bayram tədbiri təşkil olunub.
Sumqayit.tv xəbər verir ki, tədbir martın 18-də Sumqayıt Bulvarı ərazisində keçirilib.

Bayram proqramı saat 12:00-da Sumqayıt Muğam Mərkəzi və Bayraq Muzeyinin qarşısında başlayıb. Tədbir təkcə bir məkanda deyil, bulvar ərazisi boyunca müxtəlif nöqtələrdə davam etdirilib və şəhər sakinlərinə geniş bayram proqramı təqdim olunub.

Tədbir çərçivəsində milli musiqilər səsləndirilib, folklor nümunələri nümayiş olunub, müxtəlif səhnəciklər və mədəni çıxışlar təqdim edilib. Bayram şənliyində iştirak edən sakinlər üçün əyləncəli proqramlar təşkil olunub, Novruz ənənələri canlandırılıb.

Tədbirdə şəhər rəhbərliyi, ictimaiyyət nümayəndələri və çoxsaylı sakinlər iştirak ediblər. Qeyd olunub ki, bu cür tədbirlərin keçirilməsi milli adət-ənənələrin yaşadılması və bayram ab-havasının geniş şəkildə qeyd olunmasına xidmət edir.

18-03-2026, 17:32 127