Sumqayıtda müşahidə olunan yağışlı hava şəraiti şəhərdə bir sıra problemlərə səbəb olub.

Sumqayit.tv-xəbər verir ki, gecə saatlarından başlayan intensiv yağış nəticəsində şəhərin bir çox küçə və prospektlərində, eləcə də məhəllədaxili yollarda su yığılması müşahidə edilir.

Bildirilib ki, bəzi ərazilərdə avtomobillərin hərəkətində çətinlik yaranıb, piyadaların gediş-gəlişi isə xeyli məhdudlaşıb. Eyni zamanda, şəhərin bəzi hissələrində küçə işıqlarının işləmədiyi qeyd olunur.

Hazırda aidiyyəti qurumlar tərəfindən ərazilərdə vəziyyətin nəzarətə götürüldüyü və yaranmış problemlərin aradan qaldırılması istiqamətində təxirəsalınmaz tədbirlərin görüldüyü bildirilir.

Qeyd edək ki, sinoptiklər tərəfindən Sumqayıt və Abşeron yarımadasında hava şəraitinin qeyri-sabit keçəcəyi ilə bağlı əvvəlcədən xəbərdarlıq edilmişdi.

Müəllif: Selcan Yusif
Sumqayit.tv

Bu gün, 11:44 10