Bu günlərdə qədim Qərbi Azərbaycan torpağının Dərələyəz mahalının ağsaqqalarından biri - Sevindik İsa oğlu Hüseyinov ömrünün 80 yaşını qeyd edir. Ömrünü xalqına, dövlətinə və insanlara xidmətə həsr etmiş dəyərli insan — Sevindik İsa oğlu Hüseynovu səmimi qəlbdən təbrik edirik.

Sevindik müəllim ömrünün çox hissəsini müəllim və direktor kimi fəaliyyət göstərərək, gənclərin bilik və dünyagörüşünün formalaşmasına həsr etmiş, saysız-neçə şagirdin həyatına elm və mərifət işığı saçmışdır.
Daha sonra isə o, 30 il ərzində Azərbaycan Respublikası Qaçqınların və Məcburi Köçkünlərin Dövlət Komitəsinin Sumqayıt şəhər ızrə təşkiləta rəhbərlik edərək, yüzlərlə ailənin taleyinə, rifahına və məskunlaşmasına böyük qayğı ilə yanaşmış, fədakar fəaliyyəti ilə həmkarlarının və vətəndaşların dərin hörmətini qazanmışdır.

Hazırda da Sevindik müəllim Qərbi Azərbaycan İcması Sumqayıt nümayəndəliyinin işində yaxından iştirak edir, təcrübəsini və zəngin həyat yolunu gənclərlə bölüşərək, milli yaddaşın qorunması və Qərbi Azərbaycan həqiqətlərinin təbliği istiqamətində nümunəvi fəaliyyət göstərir.

Onun zəngin həyat təcrübəsi, səmimiyyəti, müdrikliyi və dövlətə sədaqəti hər birimiz üçün örnəkdir.

Bu əlamətdar yubiley münasibətilə Sevindik müəllimi bir daha səmimi qəlbdən təbrik edir, ona möhkəm can sağlığı, uzun və xoşbəxt ömür, ailə səadəti, həmçinin gələcək nəsillərə örnək olacaq yeni uğurlar arzulayırıq.

Sizin kimi fədakar insanların varlığı Qərbi Azərbaycan ideyasının yaşarlığının ən böyük təminatıdır!

Hörmətlə,
Ramiz İsmayılov
Qərbi Azərbaycan İcması Sumqayıt nümayəndəliyinin rəhbəri
və nümayəndəliyin kollektivi adından