“Roskosmos”un keçmiş baş direktoru, "Çar canavarları" qrupunun hərbi müşavirlərinin rəhbəri Dmitri Roqozin Moskvaya köçürüləcək.
Sumqayit.tv TASS-a istinadən xəbər verir ki, bu barədə jurnalistlərə onun köməkçisi məlumat verib.
“Hələ ki Dmitri Oleqoviç əməliyyat olunmayıb. Donetsk və Rostovdakı həkimlər mürəkkəbliyini nəzərə alaraq, əməliyyat keçirməyə qərar verməyiblər. Moskvaya aparıldıqdan sonra lazımi tibbi yardımın göstərilməsinə həkimlər şurası qərar verəcək”, - köməkçi bildirib.
Qeyd edək ki, dünən gecə saatlarında Ukrayna ordusu Donetskdə “Roskosmos”un keçmiş direktoru Dmitri Roqozinin olduğu “Şeş beş” restoranını vurub. Nəticədə 2 nəfər ölüb, Roqozin də daxil olmaqla, 7 nəfər yaralanıb.
Roqozin orada ad gününü qeyd edirmiş.

Axar.az