Məqsədimiz münaqişənin çarxını fırlatmaq deyil, əksinə, bu müharibəyə son qoymaqdır. Biz bunun üçün çalışırıq və bundan sonra da çalışacağıq ki, bu, başa çatsın, əlbəttə ki, nə qədər tez olsa, bir o qədər yaxşıdır. Bütün konfliktlər bu və ya digər formada diplomatik yolla başa çatır. Biz heç vaxt danışıqlardan imtina etməmişik.

Publika.az TASS-a istinadən xəbər verir ki, bu sözləri Rusiya prezidenti Vladimir Putin deyib. O, vurğulayıb ki, Müdafiə Nazirliyinin xüsusi əməliyyatla bağlı brifinqləri gündəlik keçirilir, onlar nəyin, harada və necə baş verdiyi barədə ictimaiyyətə, ölkəyə hesabat verirlər. Rusiya lideri vurğulayıb ki, hərbi əməliyyatların intensivləşməsi əsassız itkilərə səbəb ola bilər.