“Rusiya Ermənistan-Azərbaycan münasibətlərinin normallaşmasının bütün istiqamətləri üzrə birgə fəaliyyətin tezliklə bərpa olunacağına ümid edir”.
Sumqayit.tv xəbər verir ki, bunu Rusiya xarici işlər nazirinin müavini Mixail Qaluzin TASS-a müsahibəsində deyib.
"Hesab edirik ki, indiki halda sənədin razılaşdırılması müddəti bir o qədər də vacib deyil. Əsas odur ki, rəsmi Bakı və İrəvan regionda sabit və ədalətli sülhə zəmanət verəcək qarşılıqlı məqbul həllə nail ola bilsin", - diplomat bildirib.
Onun sözlərinə görə, rəsmi Moskva Rusiya, Azərbaycan və Ermənistan liderlərinin oktyabrın 31-də Soçidə keçirilmiş sammitin yekunlarına əsasən imzaladıqları üçtərəfli bəyanatda təsbit olunmuş müddəalara uyğun olaraq danışıqlar prosesinə kömək etməyə hazırdır.