Hər gün Laçın dəhlizdən hər 2 istiqamətdə yük maşınları keçir.
Sumqayit.tv-in məlumatında görə APA-nın London müxbiri xəbər verir ki, Azərbaycanın Avropa Şurası Parlament Assambleyasındakı (AŞPA) nümayəndə heyətinin üzvü Nigar Arpadarai Laçın yolundakı vəziyyətin müzakirəsi zamanı çıxış edib.
O Laçın yolu haqqında avropalı parlamentarilərə məlumat verərək bildirib ki, Qarabağda heç bir humanitar fəlakət mövcud deyil və bunun gələcəkdə baş verməsi riski də yoxdur: "Çünkü yol açıqdır. Hər gün dəhlizdən hər 2 istiqamətdə yük maşınları keçir. Azərbaycan ərzaq, dərman, əczaçılıq mallarının çatdırılması və mülki şəxslər üçün bütün imkanları təmin edir. Saxta blokada haqqında media dramını yeni separatçı lider, Rusiyadan çirkli pul yuyan, Qarabağla heç bir əlaqəsi olmayan, sanksiyalara məruz qalan şəxs səhnələşdirir. Onun adı Ruben Vardanyandır. Onun arxasında olan qüvvələrin bunu etməsinin səbəbi qanunsuz qaçaqmalçılığının həyata keçirmək, qaranlıq bizneslərini davam etdirmək və şəxsi maraqları üçün təbii sərvətləri vəhşicəsinə istismar etmək, talamaqdır".
Deputat qeyd edib ki, Qarabağ Azərbaycan hüquq məkanına nə qədər tez inteqrasiya etsə bütün tərəflər üçün bir o qədər yaxşıdır. Bu inteqrasiya regionda sabitliyə və sülhə töhfə verəcək və xarici qüvvələrin həm Azərbaycanın, həm də Ermənistanın işlərinə qarışma imkanlarını məhdudlaşdıracaq.
O, Ermənistan tərəfini Azərbaycanla sülh sazişi haqqında düşünməyə çağırıb.