Bu gün - 28 sentyabr tarixindən etibarən Sumqayıt şəhərində avtobuslar kart sisteminə keçir. Bunun üçün sürücülər vasitəsi ilə sərnişinlərə 2 manatlıq kartlar satılır. Balansı isə e-manat və Milliön sistemindən yükləmək mümkündür. Lakin digər kartlar vasitəsi ilə ödəniş mümkündür.
Sumqayit.tv xəbər verir ki, bu haqda ictimai fəal Toğrul Bayramlı məlumat verib: "Sumqayıt şəhər sakinlərimizin bir çoxunun şəhər nəqliyyatında ödənişin karta keçməsi ilə bağlı problem yaşadığını görürəm, əgər evdə üzərində vayfay (wifi) işarəsi olan istənilən bank kartınız varsa (maaş, pensiya, debet, kredit və s.) onla da nəqliyyatda ödəniş edə bilərsiniz. Əsas üzərində şəkildə göstərdiyim kimi işarə olması kifayət edir. Əlavə Nəqliyyat Kartı almağa, axtarmağa ehtiyac yoxdur.
Beləliklə Sumqayıtın daxilində və Bakı-Sumqayıt sürət qatarında bank kartları ilə rahatlıqla nəqliyyatdan istifadə edə bilirik.
Ümid edək Bakı daxilində və Bakı metrosunda da bu sistem əlavə ediləcəkdir.
Qeyd: Çox yerdə "Vayfay" deyildiyi üçün belə adlandırdıq, əslində isə bu işərə "NFC" sisteminin işarəsidir. Yəni siz NFC funksiyası olan texnoloji avadanlıqlarla da (telefon, saat, üzük, stiker və s.) nəqliyyatda ödəniş edə bilərsiniz.
28-09-2021, 15:31
524
