Sumqayıt Şəhər Məhkəməsində qəsdən sağlamlığa az ağır zərər vurmada təqsirləndirilən Gündüz Bayramovun (şərti) cinayət işi üzrə məhkəmə istintaqı yekunlaşıb.
Sumqayit.tv xəbər verir ki, pravda.az-ın əldə etdiyi məlumata görə, hakim Samir İsmayılovun sədrliyi ilə keçirilən prosesdə hökm oxunub.
Məhkəmənin hökmü ilə cinayət təqibinə xitam verilib və o, cinayət məsuliyyətindən azad edilib. 
İttihama görə, hadisə bu il Sumqayıt şəhəri, 22-ci məhəllədə yerləşən evlərin birində qeydə alınıb. 
Belə ki, Gündüz Bayramov eyni evdə yaşadığı keçmiş həyat yoldaşı, zərərçəkmiş Günay Qasımova ilə mübahisə edib. Mübahisəyə səbəb isə qadının kişinin telefonunda başqa şəxslərlə mesajlaşmasını görməsi olub. Bu zamanı Gündüz keçmiş həyat yoldaşına yumruq zərbələri vuraraq ona bədən xəsarətləri yetirib.
Hadisədən sonra qadın polisə məlumat verib və Gündüz Bayramov saxlanılaraq cinayət məsuliyyətinə cəlb edilib. Hazırda hər işi şəxs barışıb və məhkəmədə qadın təqsirləndirilən şəxsdən şikayətçi olmadığını bildirib