Bakı–Sumqayıt istiqamətində hərəkət edən sərnişin qatarına daş atılıb. Hadisə oktyabrın 30-da axşam saatlarında Zabrat–Pirşağı sahəsində baş verib.

Sumqayit.tv xəbər verir ki, hadisə zamanı sərnişinlərin olduğu ikinci vaqonun pəncərələrindən biri sınıb.

“Azərbaycan Dəmir Yolları” QSC-nin məlumatına görə, bu, son aylarda qeydə alınan oxşar hadisələrdən biridir. Qurumun açıqlamasına əsasən, cari ilin yanvar–sentyabr ayları ərzində hərəkətdə olan qatarların daşlanması ilə bağlı 36 hal qeydə alınıb.

ADY belə halların təhlükəli olduğunu bildirərək vətəndaşlardan qatarların hərəkəti zamanı ehtiyatlı davranmağı və bu kimi hərəkətlərə yol verməməyi xahiş edib.