Sumqayıt polis sistemində uzun illər xidmət göstərmiş ehtiyatda olan polis polkovniki Fazil Hüseynov vəfat edib.

Sumqayit.tv xəbər verir ki, mərhum uzun sürən ağır xəstəlikdən sonra komaya düşüb və bu günlərdə dünyasını dəyişib.

Fazil Kamil oğlu Hüseynov 1950-ci ildə Laçın şəhərində anadan olub. O, indiki Azərbaycan Dövlət İqtisad Universitetinin məzunu idi. Əmək fəaliyyətinə Türkmənistan SSR-də başlayan Fazil Hüseynov daha sonra Azərbaycana qayıdaraq Bakı və Sumqayıt polis sistemində çalışıb.

Polkovnik Hüseynov xidmət dövründə öz prinsipiallığı və peşəkarlığı ilə tanınıb.

Mərhumun iki oğlu və bir qızı var. Oğlu Anar Hüseynov “Azərbaycan Xəzər Dəniz Gəmiçiliyi” QSC-də şöbə müdirinin müavini, qızı Sürəyya Hüseynova isə Dövlət Gömrük Komitəsində çalışır.

Allah rəhmət eləsin.

4-11-2025, 15:41 220