Sumqayıt şəhər İcra Hakimiyyətinin başçısı Zakir Fərəcovun növbəti səyyar qəbulunu şəhərin 18-ci mikrorayon keçirib. Görüşdə şəhər İcra Hakimiyyətinin məsul əməkdaşları, idarə, müəssisə, təşkilatların rəhbərləri, şəhid ailələri, qazilər və şəhər sakinləri iştirak edib.

Şəhər rəhbəri sakinləri fərdi qaydada qəbul edərək  onların müraciətlərini diqqətlə dinləyib. Vətəndaşlar əsasən sosial təminat, mənzil-məişət problemləri və məşğulluqla bağlı narahatlıqlarını bildiriblər. Səsləndirilən müraciətlərin bir qismi elə yerindəcə operativ şəkildə həll olunub.

Zakir Fərəcov araşdırma tələb edən mövzularla bağlı aidiyyəti qurumların rəhbərlərinə konkret göstərişlər verib və tapşırıqların qanunvericiliyə uyğun şəkildə, qısa müddətdə icra edilməsinin zəruriliyini xüsusi vurğulayıb.

Qeyd edək ki, Sumqayıt şəhər İcra Hakimiyyəti sakinlərlə birbaşa ünsiyyəti gücləndirmək məqsədilə belə səyyar görüşləri mütəmadi olaraq təşkil edir.