Sumqayıt şəhərinin “Mero” yaşayış massivi ətrafında, “Sumqayıt stansiyası” yaşayış massivinə gedən yolda küçə işıqlandırma sistemi quraşdırılıb.

Sumqayit.tv xəbər verir ki, işlər Sumqayıt Şəhər İcra Hakimiyyəti yanında Mənzil-Kommunal Təsərrüfatı İstehsalat Birliyinin müvafiq idarəsi tərəfindən həyata keçirilib. Sakinlər tərəfindən daxil olmuş müraciətlər nəzərə alınaraq, qeyd olunan ərazidə gecə saatlarında hərəkətin təhlükəsizliyinin təmin edilməsi və piyadaların rahatlığının artırılması məqsədilə tədbirlər görülüb.

Görülən işlər çərçivəsində yolboyu yeni işıq dirəkləri quraşdırılıb və müasir işıqlandırma sistemləri tətbiq olunub.

Həyata keçirilən tədbirlər nəticəsində sözügedən ərazidə həm nəqliyyat vasitələrinin, həm də piyadaların hərəkəti üçün daha təhlükəsiz şərait yaradılıb.

Qeyd edək ki, şəhər ərazisində infrastrukturun təkmilləşdirilməsi istiqamətində işlər mərhələli şəkildə davam etdirilir və vətəndaş müraciətlərinə həssas yanaşma bundan sonra da təmin olunacaqdır.

Bu gün, 09:53 10