Sumqayıt şəhəri, 9-cu mkr ev 51 -in ərazisində zirzəmiyə dolan su sakinlərin narazılığına səbəb olub.

Bu haqda Sumqayit.tv-nin  redaksiyasına müxtəlif şikayətlər daxil olub. Əməkdaşlarımız adıçəkilən əraziyə gedərək hadisəni yerində çəkərək, sakinlərin şikayətlərini dinləyiblər. Onların sözlərinə görə, artıq antisanitar vəziyyət bir neçə aydır davam edir. Azərsuya bununla bağlı dəfələrlə məlumat verilib. Yalnız, Azərsuyun əməkdaşları bir dəfə gəlib çirkli suyu təmizləyiblər. Eyni zamanda zirzəmiyə baxış keçirəcəklərini deyiblər. O gündən bu günə müxtəlif şikayətlərə rəğmən, aidiyyatı qurumlardan heç kim gəlməyib.
Qeyd edək ki, əməkdaşımız 9 cu mk/r, evə 51-in zirzəmisində çəkiliş etmək istəyərkən kəskin qoxudan çətin anlar yaşayıb.

Şəbnəm Məşiyeva